Окото им дава на докторите јасна слика на крвните садови, така што очниот преглед може да ви каже многу за здравјето во целина. „Нашите очи се неверојатни - тие нудат целосен поглед во човечкото тело“, објаснува Јohn Lahr, медицински директор во EyeMed Vision Care.
PLX Academy • Новости • 03 Декември 2021
Редовните офталмолошки прегледи се важни за да го зачувате видот, но истовремено се и превенција од различни болети. Истражувањата покажуваат дека преку детален очен преглед, може да се откријат рани знаци на многу болести и да се види здравствената состојба на организмот во целина.
„Покрај очните болести, на редовен офталмолошки преглед, може да се утврдат сериозни заболувања како што е дијабетес, лупус, висок холестерол и многу други. Со навремено дијагностицирање, може да се избегнат големи здравствени компликации “, вели д-р Јоhn Lahr, Meдицински директор во Eye Med Vision Care во САД.
Американската офталмолошка академија препорачува редовни очни прегледи, наведувајќи сериозни здравствени состојби, кои може да се видат преку очите:
→ Аневрзима
Проширувањето на артериите или на аортата може да се види преку очите.
→ Тумор на мозок
Зголемениот притисок предизвикан од туморот, може да предизвика оток на задниот дел на оптичкиот нерв. Знаци за тумор може да бидат : губење на страничниот вид, двоен вид или промени во големината на зеницата.
→ Кацер на крв, ткиво или кожа
Канцерите предизвикуваат промени на надворешниот или на внатрешниот дел на окото.
→ Дијабетес
Симптомите на дијабетесот, може да се појават во очите уште пред да се дијагностицира болеста. Ситните крвни садови во мрежницата, од кои истекува жолта течност или крв, може да бидат знак за дијабетична ретинопатија.
→ Џиновски клеточен артеритис
Оваа болест, може да резултира со заматен вид или со двојно гледање.
→ Срцева болест
Раните знаци на срцевите болести може да се видат со Оптичка кохерентна томографија.
→ Висок крвен притисок
Невообичаени свиткувања или крварење на крвните садови во задниот дел на окото, може да сигнализираат висок крвен притисок.
→ Висок холестерол
Жолтиот или синиот прстен околу рожницата, може да биде знак за висок холестерол во организмот, особено кај лица помлади од 40 години.
Недостаток на витамин А
Сувите очи и ноќното слепило се знаци, за недостаток на витамин А во очите. Неговиот недостаток е водечка причина за слепило кај децата во светот.
Имајќи ги в предвид, сите горенаведени здравствени состојби, треба да имате на ум, дека редовниот очен преглед.
→ Лупус
Оваа хронична автоимуна болест, може да се совпадне со суви очи или да предизвика оток во белката, средниот или задниот слој на окото.
→ Лајмска болест
Инфективното заболување, кое најчесто го пренесуваат крлежите, доведува до воспаление на оптичкиот нерв.
→ Токсичност на лекови
Симптомите на токсичност на лекови, вклучуваат црвенило на очите, лупење на очните капаци, гребење на рожницата или коњуктивитис.
→ Мултиплекс склероза
Воспалениото на очниот нерв, може да биде ран знак за мултиплекс склероза. Често оди заедно со сериозно заматен вид, болно движење на очите или двојно гледање.
→ Мијастенија гравис
Првите симптоми на нервномускулната болест, се овенати очни капаци или пак двојно гледање.
→ Ревматичен артритис
Окуларните знаци вклучуваат црвени очи, како и длабока и силна болка.
→ Саркодиоза
Воспалителната болест се гледа преку ирисот или преку обоениот дел на окото. Саркодиозата предизвикува и чувствителност на светлина.
→ Сексулано преносливи болести
Сифилис, херпес, кламидија, ХИВ, гонореа, генитални брадавици и срамни вошки може да влијаат на очните слоеви. Тие често се откриваат при очен преглед.
→ Српеста анемија
Генетското нарушување на крвта, може да предизвика широк спектар на окуларни промени : од црвенило и пукање на крвните садови, до тешки крварења и одлепување на мрежницата.
→ Синдром на Сјоген
Сувите очи се клучна карактеристика на автоимуната болест, Синдром на Сјоген.
→ Мозочен удар
Крвните садови на мрежницата, понекогаш содржат блокади или згрутчување. Тоа укажува на зглемен ризик од мозочен удар. Губење на страничниот вид, може да биде предупредување за оштетување на мозокот, од претходен мозочен удар.
→ Болест на тироидната жлезда
Тироидната жлезда може да предизвика суво око, заматување или губење на видот. Испакнати очни јаболка и повлекување на очните капаци, се знаци на хипертироидизам.
→ Васкуларна болест
Нарушувањата на крвните садови, често доведуваат до видливи краварења во и околу окото.