
Од односот на вработените на рецепцијата, во голема мера зависи впечаток на пациентот за болницата во целина . Најважни особини кои рецепционерите треба да ги поседуваат се : добра организација во работата, приоретизирање и истовремено извршување на работните задачи, развиени комуникациски и технички вештини, како и справување со непријатни ситуации.
Персоналот на рецепцијата во болниците, се првите луѓе кои остваруваат контакт со пациентот. Неговата перцепција за болницата, најчесто почнува од нивното однесување. Истовремено, персоналот на рецепција е врската меѓу пациентите и медицинскиот тим. Тие имаат многу задолженија, паралелно може да се случи да треба да одговараат на телефонски повици, да ги пречекуваат или испраќаат пациентите и да ја подговуваат потребната документација.
Комуникациските вештини, кај првите луѓе со кои се сретнува пациентот, се исклучително важни за зголемување на ефикасноста во работата и задоволството на пациентот. Вештините може да се научат на обуки и тренизи, организирани во и надвор од болниците. Важно е тие да бидат дел од стратигијата за развој на болницата . Подолу, ќе ги напишеме десетте најважни вештини, кои треба да ги поседува персоналот вработен на рецепцијата на болницата.
1.Организирање
Добрата организација на работата е најважна, во извршувањето на задачите на рецепцијата. Важно е вработените во овој дел од болницата, да знаат како навремено да одговорат на сите телефонски повици, да ја средат документацијата и да го пречекаат и испратат пациентот. Тие треба да ги следат агендите и на останатиот дел од медицинскиот персонал и на докторите, за да може да им излезат во пресрет на сите пациенти кои ќе побараат здравствена услуга.
2. Приоретизирање на задачите
Персоналот на рецепција треба да знае како да ги распореди дневните обврски, според нивната важност. Во спротивно, дел од обврските може да остане незавршен, што може да го наруши работењето во болницата.
3. Помош на пациентите
Задолжени за првиот впечаток , вработените на рецепција, треба да знаат како да им се обратат на пациентите, да ги сослушаат внимателно и да ги упатат на соодветното место во болницата. Ако првиот впечаток на пациентите е пријатен, тогаш се многу поголеми изгледите нивното искуство да биде позитивно. Затоа е важно, рецепционерите да знаат да остварат контакт со очите, срдечно да се насмевнат и обратат, љубезно да комуницираат со пациентите и со остантите колеги.
4. Комуникациски способности
Иако се подразбира дека луѓето што го остваруваат првиот контакт со пацинтите, треба да имаат добри комункациски способности, сепак внимание треба да се обрне на начинот на кој тие вербално, невербално и пишувано комуницираат. Вербалната комуникација, најмногу доаѓа до израз кога треба да се одговори на телефонски повик или пак да се разговара со пациентот или со колегите. Невербалната комуникација, е исто така важна во начинот на кој што му се посакува добредојде. Писмената комуникација, е значајна во испраќањето на електронската пошта, диктирањето или пишувањето на медицински белешки или други документи.
5. Извршување на повеќе задачи одеднаш
Истовременото изршување на повеќе работни задачи -одговарање на повици , пречек или испраќање на пациент, комуникација со колега – не треба да ги фрустрира вработените на рецепцијата. Тие едноставно, треба да најдат метода со која се ќе постигнат и ќе овозможат непречено функцинирање на влезот на болницата.
6. Решавање на проблеми
Секојдневно во болниците, доаѓаат пациенти кои уште кога ќе влезат во болницата, имаат многу прашања, забелешки, дилеми и проблеми што сакаат да ги споделат. Сосема е очекувано, таа комуникација да почне со луѓето што ќе ги пречекаат. Затоа, вработените на рецепција, треба да знаат да ги сослушаат, да одговорат на нивните прашања и да понудат решенија, за евентуалните проблеми на пациентите.
7. Технички вештини
Вработентите на рецепција во болнците, треба да знаат да користат технички уреди : телефони, компијутери и сл. Во време кога технологијата се развива со засилено темпо, тие треба да ги следат новитетите во компјутерските програми, за да може полесно да ги извршуваат секојденвните работни задачи.
8. Вештини за управување со времето
Оваа комуникациска вештина е задолжителна, зошто пациентите, најмалку сакаат да чекаат. Затоа, рецепционерите треба да знаат да реагираат брзо и да го организираат времето на начин, на кој ќе им излезат во пресрет на сите пациентите, без да ги запостават другите работни обврски.
9. Интерперсонални вештини
Во меѓучовечката интеракција, најважни се интерперсоналните вештини. Ова особено е важно за вработените во болниците, каде што пациентот е во фокусот на работењето. Вработените на рецепцијата во болниците, треба да знаат да го слушаат пациентот и да му се обратат на начин на кој и тој ќе ги слуша. Истото, се однесува и на нивната комуникација со останатите колеги од медицинскиот тим.
10. Вештини за управување со гнев
Не секој што доаѓа во болницата е добро расположен и спремен за отворена комуникација. Неретко се случува, пациентите да бидат нервозни, па дури и агресивни , особено затоа што се работи за нивното здравје. Рецепционерите се првите и последните луѓе, со кои пациентите се среќаваат во болницата и оттаму можноста да се „истури гневот“ на нив е голема. Затоа , тие треба да знаат како да се однесуваат во вакви ситуации, односно да посетуваат специјизирани курсеви за развивање на оваа вештина.
Со оглед на тоа дека грижата за пациентите и нивното задоволство, почнува и завршува со луѓето вработени на рецепцијата во болницата, сон на секој работодавач е да најде квалитетен персонал за влезот на болницата.